Shri Siddha Kunjika Stotram

श्री गणेशाय नमः ।śrī gaṇeśāya namaḥ |

ॐ अस्य श्रीकुञ्जिकास्तोत्रमन्त्रस्य सदाशिव ऋषिः, अनुष्टुप् छन्दः, श्रीत्रिगुणात्मिका देवता, ॐ ऐं बीजं, ॐ ह्रीं शक्तिः, ॐ क्लीं कीलकम्, मम सर्वाभीष्टसिद्ध्यर्थे जपे विनियोगः ।oṃ asya śrīkuñjikāstotramantrasya sadāśiva ṛṣiḥ, anuṣṭup chandaḥ, śrītriguṇātmikā devatā, oṃ aiṃ bījaṃ, oṃ hrīṃ śaktiḥ, oṃ klīṃ kīlakam, mama sarvābhīṣṭasiddhyarthe jape viniyogaḥ |

शिव उवाच । शृणु देवि प्रवक्ष्यामि कुञ्जिकास्तोत्रमुत्तमम् । येन मन्त्रप्रभावेण चण्डीजापः शुभो भवेत् ॥ १॥śiva uvāca | śṛṇu devi pravakṣyāmi kuñjikāstotramuttamam | yena mantraprabhāveṇa caṇḍījāpaḥ śubho bhavet || 1||

न कवचं नार्गलास्तोत्रं कीलकं न रहस्यकम् । न सूक्तं नापि ध्यानं च न न्यासो न च वार्चनम् ॥ २॥na kavacaṃ nārgalāstotraṃ kīlakaṃ na rahasyakam | na sūktaṃ nāpi dhyānaṃ ca na nyāso na ca vārcanam || 2||

कुञ्जिकापाठमात्रेण दुर्गापाठफलं लभेत् । अति गुह्यतरं देवि देवानामपि दुर्लभम् ॥ ३॥kuñjikāpāṭhamātreṇa durgāpāṭhaphalaṃ labhet | ati guhyataraṃ devi devānāmapi durlabham || 3||

गोपनीयं प्रयत्नेन स्वयोनिरिव पार्वति । मारणं मोहनं वश्यं स्तम्भनोच्चाटनादिकम् । पाठमात्रेण संसिद्ध्येत् कुञ्जिकास्तोत्रमुत्तमम् ॥ ४॥gopanīyaṃ prayatnena svayoniriva pārvati | māraṇaṃ mohanaṃ vaśyaṃ stambhanoccāṭanādikam | pāṭhamātreṇa saṃsiddhyet kuñjikāstotramuttamam || 4||

अथ मन्त्रः । ॐ ऐं ह्रीं क्लीं चामुण्डायै विच्चे । ॐ ग्लौं हुं क्लीं जूं सः ज्वालय ज्वालय ज्वल ज्वल प्रज्वल प्रज्वल ऐं ह्रीं क्लीं चामुण्डायै विच्चे ज्वल हं सं लं क्षं फट् स्वाहा ॥ ५॥ इति मन्त्रः ।atha mantraḥ | oṃ aiṃ hrīṃ klīṃ cāmuṇḍāyai vicce | oṃ glauṃ huṃ klīṃ jūṃ saḥ jvālaya jvālaya jvala jvala prajvala prajvala aiṃ hrīṃ klīṃ cāmuṇḍāyai vicce jvala haṃ saṃ laṃ kṣaṃ phaṭ svāhā || 5|| iti mantraḥ |

नमस्ते रुद्ररूपिण्यै नमस्ते मधुमर्दिनि । नमः कैटभहारिण्यै नमस्ते महिषार्दिनि ॥ ६॥namaste rudrarūpiṇyai namaste madhumardini | namaḥ kaiṭabhahāriṇyai namaste mahiṣārdini || 6||

नमस्ते शुम्भहन्त्र्यै च निशुम्भासुरघातिनि । जाग्रतं हि महादेवि जपं सिद्धं कुरूष्व मे ॥ ७॥namaste śumbhahantryai ca niśumbhāsuraghātini | jāgrataṃ hi mahādevi japaṃ siddhaṃ kurūṣva me || 7||

ऐङ्कारी सृष्टिरूपायै ह्रीङ्कारी प्रतिपालिका । क्लीङ्कारी कामरूपिण्यै बीजरूपे नमोऽस्तु ते ॥ ८॥aiṅkārī sṛṣṭirūpāyai hrīṅkārī pratipālikā | klīṅkārī kāmarūpiṇyai bījarūpe namo’stu te || 8||

चामुण्डा चण्डघाती च यैकारी वरदायिनी । विच्चे चाभयदा नित्यं नमस्ते मन्त्ररूपिणि ॥ ९॥cāmuṇḍā caṇḍaghātī ca yaikārī varadāyinī | vicce cābhayadā nityaṃ namaste mantrarūpiṇi || 9||

धां धीं धूं धूर्जटेः पत्नी वां वीं वूं वागधीश्वरी । क्रां क्रीं क्रूं कुञ्जिका देवि शां शीं शूं मे शुभं कुरु ॥ १०॥dhāṃ dhīṃ dhūṃ dhūrjaṭeḥ patnī vāṃ vīṃ vūṃ vāgadhīśvarī | krāṃ krīṃ krūṃ kuñjikā devi śāṃ śīṃ śūṃ me śubhaṃ kuru || 10||

हुं हुं हुङ्काररूपिण्यै जं जं जं जम्भनादिनी । भ्रां भ्रीं भ्रूं भैरवी भद्रे भवान्यै ते नमो नमः ॥ ११॥huṃ huṃ huṅkārarūpiṇyai jaṃ jaṃ jaṃ jambhanādinī | bhrāṃ bhrīṃ bhrūṃ bhairavī bhadre bhavānyai te namo namaḥ || 11||

अं कं चं टं तं पं यं शं वीं दुं ऐं वीं हं क्षम् । धिजाग्रम् धिजाग्रं त्रोटय त्रोटय दीप्तं कुरु कुरु स्वाहा ॥ १२॥aṃ kaṃ caṃ ṭaṃ taṃ paṃ yaṃ śaṃ vīṃ duṃ aiṃ vīṃ haṃ kṣam | dhijāgram dhijāgraṃ troṭaya troṭaya dīptaṃ kuru kuru svāhā || 12||

पां पीं पूं पार्वती पूर्णा खां खीं खूं खेचरी तथा । म्लां म्लीं म्लूं मूलविस्तीर्णा कुञ्जिकास्तोत्र हेतवे । सां सीं सूं सप्तशती देव्या मन्त्रसिद्धिं कुरूष्व मे ॥ १३॥pāṃ pīṃ pūṃ pārvatī pūrṇā khāṃ khīṃ khūṃ khecarī tathā | mlāṃ mlīṃ mlūṃ mūlavistīrṇā kuñjikāstotra hetave | sāṃ sīṃ sūṃ saptaśatī devyā mantrasiddhiṃ kurūṣva me || 13||

कुञ्जिकायै नमो नमः । इदं तु कुञ्जिकास्तोत्रं मन्त्रजागर्तिहेतवे । अभक्ते नैव दातव्यं गोपितं रक्ष पार्वति ॥ १४॥kuñjikāyai namo namaḥ | idaṃ tu kuñjikāstotraṃ mantrajāgartihetave | abhakte naiva dātavyaṃ gopitaṃ rakṣa pārvati || 14||

यस्तु कुञ्जिकया देवि हीनां सप्तशतीं पठेत् । न तस्य जायते सिद्धिररण्ये रोदनं यथा ॥ १५॥yastu kuñjikayā devi hīnāṃ saptaśatīṃ paṭhet | na tasya jāyate siddhiraraṇye rodanaṃ yathā || 15||

इति श्रीरुद्रयामले गौरीतन्त्रे शिवपार्वतीसंवादे कुञ्जिकास्तोत्रं सम्पूर्णम् ।iti śrīrudrayāmale gaurītantre śivapārvatīsaṃvāde kuñjikāstotraṃ sampūrṇam |